台中, 玩.台中, 玩.台灣

【玩.台中 – 大肚區】追分車站 日式車站 買張追分成功車票求好運

追分車站係一個木造車站,而家係台中市市定古蹟
之所以叫做「追分」,係因為「追分」日文漢字嘅意思係分叉路

從彰化北上,右邊就係山線去台中站,而左邊就係海線
追分就正正係海線第一站,而成功就係山線第一站啦!

一行入去追分車站,就完全feel到日本舊色建築風格
米黃色為主色,牆壁上方掛上了火車時間表

 

仔細欣賞牆上掛畫,大家唔難發現呢張追分車站等車情形

政府原本打算起一個追分鐵路文化園區,可惜未成事
不過未起都好,起碼大家都可以來呢度feel下個純樸感覺

車站門口可以好明顯睇到黑色木製橫樑
同埋有幾個好有懷舊feel嘅窗戶

追分車站嘅一度門,三個門牌體驗三個時代...
中間門牌最舊式,之後就到左邊果個
而家就係右邊呢個新Design,大啲清晰啲

室外候車嘅地方有幾張車輪凳比乘客休息

如果你想去月台、路軌或者許願池影相留念
只要唔走過第一月台都唔使買飛,OK的!

 

企喺第一月台前面嘅路軌,欣賞返追分車站全貌
真係好靚好有去咗日本FEEL…

撞啱春天來追分站,青綠樹木配豔紅花朵,影相構圖真係一流呀!

 

好多人去追分站參觀
除咗佢有獨特嘅日式建築風格之外,仲有唔少人來呢度買車飛…

點解呢?因為買一張單程車飛去成功站,上面就印住「追分至成功」
追分成功,代表學生可以金榜題名
追婚成功,山海戀情 (因為買一張飛由海線去山線)

台灣人買區間車車飛通常都會用呢部自動售票機
只要望望上面張白色車費表就知要比幾多錢啦!
入錢之後就可以跟住啲燈,慢慢揀火車種類、目的地等等…

但係買追分去成功區間車車飛就唔可以用呢部機啦
要行去counter同車站職員買
水金諗…應該係太多人買飛做紀念,所以台鐵就直接賣卡紙版

追分成功區間車飛 NTD 15,真係可以用來撘火車呀!
買完車飛仲可以去枱面上拎個印仔給喺車飛背後留念

除咗買張車飛返屋企做紀念,又或者送比朋友之外,
仲可以去追分站入面個許願池許願:

 

許願池有追分成功同成功追婚兩個意義

 

水金當日去參觀,咁啱撞正一班踩單車嘅車隊喺度休息…

車隊休息完,隊長會帶領做熱身運動同鼓勵隊員再出發

 

政府都有放置導覽地圖,方便遊客

火車站對面大樹下有個卡通裝飾比大家影相留念

 

追分火車站

地址:臺中市大肚區王田里追分街13號
交通:台中火車站直去追分站區間車(山成追海線)唔多,班次稀疏

水金建議台中火車站先坐區間車去成功站
再轉公車(王田站上車)93/102/105/166號去追分站

台中坐火車去成功站
出站後行去大馬路 中山路三段,右轉向前行就見到公車站 “王田”

你可以喺呢個站坐公車93/102/105/166去到追分站落車
*當中93號同105公車比較密,平均15-20分鐘就有一班

追分公車站落車之後,過對面馬路行入路口就見到追分火車站啦!

 

發佈留言

發佈留言必須填寫的電子郵件地址不會公開。 必填欄位標示為 *